AHM-Altzako Historia Mintegia Altzako iragana eta egungo errealitatearen ikerketa eta ezaguera bultzatu nahi duen elkartea da. Era berean, altzatarrak bere herriarekin identifikatzea bilatzen dugu, Altzaren etorkizunaren eraikuntza bere gain har dezan. Altzaren nortasuna ezagutu eta garatu nahi duen beste elkarte eta erakundeekin lan egin nahi dugu. Ez dugu lokalistak izan nahi eta bakarrik gure zulotxora begira lan egin. Gure lana munduan dagoen korronte zabal baten barruan kokatzen dugu. Historia ofizialetik kanpo geratu diren herri, talde eta pertsonen kultura ikertu eta bultzatu nahi duten elkarteekin batera aritu nahi dugu eta, alde honetatik ikusita, ikuspegi unibertsalak gidatzen gaitu.