Hilari Villahoz Obispo
1935ean jaio zen Cevico Naveron (Palentzia), nekazari familia batean. Etxean labea zuten, eta ama okina zen. Hamar anai-arreba izan ziren. 1956an Tolosara etorri zen lanera. 1967an ezkondu zen, eta 1969an Altzara etorri zen bizitzera, Arrizar auzora. Bi alaben ama da. 80ko hamarkadan hasi zuen auzo-aktibismoa funtsezkoa izan zen herritarren mobilizazioan, egungo Harria parkean degradatutako gune bat eraldatzea lortu baitzuen. Herritarren parte-hartzearen eta borroka komunitarioaren adibide bat da, auzoaren beharrei erantzuten ez zieten hirigintza proiektuen aurrean.
